INILIKAS DAHIL SA BANTA NG BULKANG TAAL UMABOT NA SA 3,000

Joseph Daniel Bonus

Tinatayang nasa 3,000 katao ang inilikas matapos itaas sa Alert Level 3 ang Bulkang Taal nang magkaroon ng phreatomagmatic eruption nitong Sabado.

Ayon sa NDRRMC, umabot sa 2,961 na indibidwal o 869 na pamilya ang naapektuhan ng pagsabog ng bulkan. 2,894 na indibidwal o 854 na pamilya ang kasalukuyang nakatigil sa evacuation centers, habang 67 na indibidwal o 15 na pamilya naman ang nanirahan muna sa ibang lugar na pawang mga residente ng Agoncillo at Laurel, Batangas.

Ayon sa kapulisan nasa 4,143 na indibidwal ang lumikas sa kani-kanilang tahanan. 2,404 sa mga ito ay mula sa Agoncillo, 478 mula sa Laurel, 27 mula sa Cuenca, at 13 mula sa Talisay nito lamang Linggo.

frontpage online news - Ilan sa mga lumikas dahil sa banta ng Bulkang Taal (photo from Police Regional Office 4A Facebook Page)
Ilan sa mga lumikas dahil sa banta ng Bulkang Taal (photo from Police Regional Office 4A Facebook Page)