Ylou Dagos
Nasawi ang isang lolo nang ito ay malunod habang nag-a-outing sa Jomalig, Quezon Martes ng hapon.
Kinilala ang biktima na si Antonio Andres , 69 anyos, residente ng Brgy Bukal, sa nasabing bayan.
Batay sa report ng Jomalig police, kasama ng biktima ang kanyang mga kapamilya at nagpi-picnic sa Lakeside Resort nang mapansin na nawawala ito dakong alas 3:00 ng hapon.
Nang hanapin, nakita na nakalubog ito sa tubig at walang malay hindi kalayuan sa dalampasigan.
Agad itong isinugod sa Rural Healt Unit sa nasabing bayan subalit idineklara na itong dead on arrival ng doktor.
Frontpage Online News 