SULFUR DIOXIDE EMISSION SA BULKANG TAAL, TUMAAS

Marlon Luistro

Tumaas ang sulfur dioxide emission sa Bulkang Taal nitong Huwebes.

Sa inilabas na advisory ng Phivolcs kaninang alas-7 ng gabi, sinabi nitong nakapagtala ng 10,718 tonnes ng volcanic sulfur dioxide emission mula sa Taal Main Crater na lumikha ng volcanic smog o vog sa Taal Caldera.

Umabot din sa 6,612 tonnes kada araw ang average ng ibinubugang sulfur dioxide ng bulkan ngayong buwan ng Setyembre at patuloy na tumataas ang emission mula pa noong July 15, 2022.

Mula rin noong nakaraang buwan ay mayroong naobserbahang degassing activity sa proma ng upwelling ng volcanic fluids sa main crater lake at pagbuga ng naglalakihang mga steam rich plumes o usok na may taas na 2500 metro sa Taal Volcano Island.

Ngayong umaga ay namataan din ang vog ng mga residente ng bayan ng Laurel, Agoncillo at Sta. Teresita.

Babala ng Phivolcs, ang vog ay binubuo ng mga pinong droplets na naglalaman ng volcanic gas gaya ng sulfur dioxide na acidic at maaaring magdulot ng pagkairita ng mga mata, lalamunan at baga depende sa gas concentration at sa tagal ng exposure.

Sensitibo aniya sa vog ang mga may iniindang karamdaman gaya ng ashtma, lung disease at heart disease, senior citizens, buntis at mga bata.

Bilang pag iingat sa masamang epekto ng vog sa kalusugan ay pinapayuhan ang mga taong limitahan ang kanilang exposure, iwasan ang lumabas at manatili lamang sa loob ng bahay, isara ang pinto at bintana ng bahay para mablock out ang vog.

Pinapayuhan din ang mga taong magsuot ng N95 facemask, uminom ng tubig para mabawasan ang pagkairita ng lalamunan at kung kabilang sa mga sensitibong grupo ay bantayan ang sarili at humingi ng tulong sa doktor kung kinakailangan.

Ayon pa sa Phivolcs, maaari din aniyang mag-generate ng acid rain tuwing may pag-uulan at volcanic gas emission na maaaring makasira sa mga pananim at maapektuhan ang mga bubong ng bahay at gusali.

Nananatili naman sa Alert Level 1 ang Bulkang Taal at naroon pa rin ang panganib ng steam-driven o phreatic na pagputok, volcanic earthquakes, minor ashfall at pagbuga ng nakamamatay na volcanic gas.

Kayat paalala ng Phivolcs, bawal pa rin ang pumunta sa Taal Volcano Island na idineklarang permanent danger zone lalo na sa mga lugar  ng main crater at Daang Kastila Fissure.

BALIKATAN PARA SA POLILLO GROUP OF ISLANDS, RELIEF OPERATIONS PATULOY

Ylou Dagos

Patuloy ang pagpadala ng pamahalaang nasyunal sa pamamagitan ng DSWD at pamahalaang panlalawigan ng Quezon ng mga tulong sa nasalanta ng Bagyong Karding sa Polillo group of islands.

Nasa mahigit 16,000 pamilya na ang nabigyan ng mga food packs sa 5 bayan ng Polillo, Burdeos, Panukulan, Patnanungan at Jomalig.

Nitong Lunes ng gabi, nasa 4,000 pamilya sa Patnanungan at mahigit 3,000 pamilya sa Jomalig ang unang nabiyayaan ng tulong.

Sinundan agad ito ng pagpapadala ng relief goods nitong Martes para sa nasa 4,000 pamilya sa Burdeos, 4,000 pamilya sa Panukulan at paunang 1,000 para sa Polillo.

Magkatulong na rin ang PNP at AFP sa agarang pagdadala ng mga relief goods.

Gamit ang mga mga helicopters ng Philippine Airforce, mula sa Villamor airbase sa Pasay kaagad inililipad patungo sa isla ang mga tulong na nagmumula sa DSWD.

Nakaantabay naman ang PNP sa isla para sila ang magdala sa mga bayan-bayan.

Ang mga relief packs ay naglalaman ng pagkain, tubig, mga gamot, at mga damit.

📷 📹 LA Ruanto / Quezon PNP

Maging ang mga pampasaherong RORO na bumibayahe patungo sa mga isla ay libreng tumulong na rin sa paghahakot ng mga relief packs na nanggagaling naman sa kapitolyo ng Quezon.

Maging ang bayan ng General Nakar na nasa mainland ng Quezon pero isa din sa grabeng napinsala ay hinatiran na din ng mga unang pangangailangan.

Kahapon sa special session ng Sangguniang Panlalawigan, isinailalim na sa state of Calamity ang limang bayan sa Polillo Group of Islands at ang bayan ng General Nakar.

6 NA BAYAN SA QUEZON PROVINCE ISINAILALIM NA SA STATE OF CALAMITY DAHIL SA PINSALA NG BAGYONG KARDING

Allan Llaneta

Isinailalim na sa State of Calamity ang anim na bayan sa Quezon dahilan sa malalang pinsala ng nagdaang Super Typhon Karding.

Sa special na session kahapon ng Sangguniang Panlalawigan ng Quezon, pinagtibay na malagay sa State of Calamity ang mga bayan ng Polillo, Patnanungan, Panukulan, Jomalig, Burdeos at General Nakar.

Ayon kay Quezon Vice Governor Anacleto 3rd Alcala, dahilan sa naaprubahan na ang state of Calamity pwede nang gamitin ang 30 percent Quick Response Fund ng provincial government para magamit sa mga nasalanta ng bagyo.

Sa ulat ni Quezon PDRRMO Dr. Mel Avenillla, dalawang katao na ang napaulat na nasawi sanhi ng bagyo.

Sa ngayon wala pa ring suplay ng kuryente sa isla ng Polillo.

Nasa limang libong kabahayan naman ang nasira sa nagdaang bagyo.

TULONG PARA SA MGA NASALANTA NG BAGYONG KARDING SA POLILLO ISLAND INIHATID NA

📷 Quezon LGU

Ylou Dagos

Inihatid na sa isla ng Polillo ang ibat-ibang mga relief goods na ipamamahagi sa mga residente na naapektuhan ng pananalasa ng Bagyong Karding.

Kanina ay dumating na sa Polillo port sakay ng RORO ang karagdagang mga food packs na ihahatid sa bayan ng Burdeos, isa sa mga bayan sa isla at isa sa pinakagrabeng nagtamo ng pinsala.

📷 Quezon LGU

Nasa 4,000 food packs ang nagmula sa pamahalaang panlalawigan ng Quezon at 2,000 food packs naman ang nanggaling sa DWSD.

Ayon sa Quezon PDRRMO, aabot na sa 13,900 family food packs ang naipadala na sa isla matapos humagupit ang Bagyong Karding.

📷 Quezon LGU

Pero ayon kay Quezon Governor Angelina Tan, nasa mahigit na 50, 000 pamilya ang nangangailangan ng tulong sa mga bayan sa Polillo Group of Island, (Polillo, Burdeos, Panukulan, Patnanungan at Jomalig) at sa REINA Area (Real, Infanta at General Nakar) na mga biktima ng typhoon Karding.

Kaya humihiling ito kay DSWD Erwin Tulfo ng karagdagan pang tulong.

📷 Quezon LGU

Nagpasalamat din ang gobernador kay Sec Tulfo at DSWD, maging sa DILG sa patuloy na pagdamay sa mga biktima ng bagyo sa lalawigan.

Nakipag-usap na rin si Tan sa AFP Southern Luzon Command (SOLCOM) na nakabase sa Lucena City para sa mabilis na maihatid ang mga relief goods sa mga isolated areas sa pamamagitan ng mga chopper ng AFP.

📷 Quezon LGU

Kahapon ay nagtungo mismo si Tan sa mga naapektuhang bayan at personal na binisita ang mga residente.

Samantala, nagpadala na rin ng mga relief goods sa bayan ng Burdeos ang Angat Buhay Foundation ni dating VP Leni Robredo.

📷 Quezon LGU

Sa bayan naman ng Polillo, lubos ang pasasalamat ni Mayor Angelique Bosque sa mga NGO’s at iba pang indibidwal na nagkaloob na rin ng mga relief goods para sa nasabing bayan.

Sa Sangguniang Panlalawigan naman ng Quezon, idineklara na ang State of Calamity sa mga naapektuhang bayan base na rin sa rekomendasyon ng PDRRMO at ni Gov. Tan.

KARDING DESTROYS P186.5 MILLION WORTH OF AGRI CROPS, FISHERIES IN QUEZON

Sonny T. Mallari

Damage sustained by the agriculture sector in Quezon province due to Super Typhoon Karding (international name: Noru) reached P186.5 million, the provincial agriculture office said in a report Tuesday.

It enumerated that around 1,433 hectares of rice lands were destroyed, and 1,490 hectares were damaged by the typhoon that cut across the province on Sunday, September 25.

It affected 3,181 rice farmers.

The estimated cost of ravaged rice lands, most of which were almost ready for harvest, reached P119.4 million.

Some P30.2 million fruit-bearing trees covering 2,373 hectares were likewise damaged by the typhoon, affecting 3,076 farmers, while about 27,640 hectares of coconut trees worth P25.8 million were lost, affecting 9,213 coconut farmers.

Additionally, 195 hectares of vegetable plantations worth P5.2 million (affecting 841 farmers), 4.7 hectares of corn plots worth P338,000 (affecting three farmers), and commercial fish pens worth P5.4 million (affecting 115 operators) were also damaged by Karding.

According to the Provincial Disaster Risk Reduction and Management Office (PDRRMO), a total of 13,97 families composed of 50,435 individuals were displaced by the severe weather event’s wrath.

At least 8,619 families or 31,701 individuals are from the province’s 1st district, including the five island towns in northern Quezon facing the Pacific Ocean: Polillo, Burdeos, Panukulan, Jomalig, and Patnanungan.

The PDRRMO said 972 houses across the province were destroyed and 3,932 were damaged.

On Tuesday afternoon, Vice Gov. Anacleto III said the provincial council, acting on the letter by Gov. Angelina Tan, has declared a state of calamity in the island towns of Polillo, Burdeos, Panukulan, Patnanungan, Jomalig and the municipality of General Nakar.

The declaration of the state of calamity will hasten the rescue and relief and rehabilitation efforts of the government and the private sector in the said areas which were severely hit by the typhoon.

The move will also be an effective mechanism to control the prices of goods and commodities in the areas.

PRODUKTONG BATANGUENO BIDA SA DTI TRADE FAIR SA LIPA CITY

Lyka Manalo

Iba’t ibang produktong gawa ng mga Batangueño ang ibinida sa isinagawang opening ng trade fair ng Department of Trade and Industry (DTI-Batangas) noong Sabado, Setyembre 24.

Ang trade fair na may temang ‘Likha Galing Batangueño – a showcase of Batangas homegrown products ay bukas sa mga mamimili na matatagpuan sa ikalawang palapag ng SM City Lipa hanggang Setyembre 28.

Pinangunahan nina DTI-Batangas Provincial Director Leila Cabreros at Lipa City Councilor Mikee Morada ang ribbon cutting ng nasabing trade fair.

DILG TO LEAD PLANTING OF 8,000 TREE SEEDLINGS, BAMBOO STALKS IN CALABARZON

Sonny T. Mallari

More than 8,000 tree seedlings and bamboo stalks will be planted in different sites in the Calabarzon (Cavite, Laguna, Batangas, Rizal, Quezon) region today, September 13, the Department of Environment and Natural Resources (DENR) said.

The DENR-Calabarzon public information office said the activity will serve as the kick-off ceremony for the nationwide simultaneous tree planting activity by the Department of the Interior and Local Government (DILG) with the theme: “Buhayin ang Pangangalaga ng Kalikasan.”

One of the tree planting event sites is the former 70-hectare sanitary landfill at Barangay Pintong Bukawe in San Mateo, Rizal, inside the Upper Marikina River Basin Protected Landscape.

“Makabuluhan ang ating gagawing tree planting dahil ang napiling site ay dating sanitary landfill. Malaki ang maitutulong ng ating pagtatanim para sa patuloy na pagrehabilitate ng site,” Nilo Tamoria, DENR Calabarzon director, said in a statement.

Other identified tree planting sites are Trece Martirez City in Cavite; Barangay Kinalaglagan in Mataas na Kahoy, Batangas; Barangay Sta. Lucia in Dolores, Quezon; and Barangay Taytay in Majayjay, Laguna.

Different government agencies, civil society organizations, and other volunteers will participate in the activity.

Groups and organizations that want to join the tree planting activity will have to coordinate with the nearest DENR office in their areas.

The DILG’s tree planting project includes the Department of Agriculture and DENR.

SEASONAL FARMWORKERS PROGRAM NG SAN JUAN, BATANGAS, MAHIGIT 500 MAGSASAKA NAIPADALA SA SOUTH KOREA

📷 San Juan LGU

Ylou Dagos

Umaabot na sa mahigit 500 magsasaka ang naipadala ng San Juan, Batangas sa bansang South Korea bilang mga seasonal farmworkers.

Matapos matigil nitong pandemic, muling umarangakada ang nasabing programa ng San Juan LGU nitong Marso kungsaan hanggang nitong buwan ng June ay umaabot na sa 505 na magsasaka mula sa ibat-ibang barangay ng nasabing bayan ang naipadala sa Hongcheon-Gun Gangwon-do Province sa South Korea na binubuo ng 9 na batches.

Ayon kay Jun Sevilla, secretary ng San Juan LGU at International Coordinator for Mutual Cooperation, nagsimula ang programa sa pamamagitan ng pagiging sister municipalities ng San Juan at ng Hongcheon-Gun Gangwon-do Province kungsaan mismong dumalaw sa San Juan ang mga opisyal ng nasabing lalawigan.

Limang buwan ang itinatagal ng isang indibidwal na makakasali sa programa kungsaan nakakatanggap ang mga ito ng humigit kumulang na suweldo na P85,000.00 pesos bawat buwan.

Sagot ng mga may –ari ng destinasyon na farm sa South Korea ang lahat ng gastos sa papeles at travel ng mga aplikante.

Nagiging trabaho ng mga magsasaka ay ang pagtatanim ng ibat-ibang mga gulay tulad ng patastas, pipino, sili, pechay at iba pa.

Ayon kay Sevilla, advance technology na ang ginagamit ng Koreans sa pagsasaka subalit kinakapos ang mga ito sa manpower ng mga local farmers kaya kumukuha ng mga workers mula sa ibang bansa.

Samantala nitong September 6 ay dumating na sa bansa ang unang batch na naipadala sa Korea noong April 4, 2022 matapos makakumpleto ng limang buwan.

Ang cropping season sa South Korea at nagsisimula sa pagtatanim sa buwan ng Marso at nagtatapos sa pag-aani mula buwan ng July hanggang buwan ng Oktubre.

MGA PANANIM NANUYO DAHIL SA VOG NG BULKANG TAAL

📷 DA RCPC Calabarzon

Marlon Luistro

Nasira ang ilang mga pananim sa mga probinsya ng Batangas, Cavite at Laguna na malapit sa Bulkang Taal dahil sa nakalalasong sulfuric dioxide sanhi ng volcanic smog o vog.

Nanuyo ang mga pananim na palay sa Laurel, Batangas na matatagpuan may 11 kilometro sa Kanluran ng Bulkang Taal.

Habang nasira at nanuyo rin ang mga pananim na palay sa karatig bayan ng Nasugbu, Batangas na 35 kilometro sa Kanluran ang layo sa Bulkang Taal.

Maging ang bayan ng Lian sa Batangas ay natuyuan din ng mga pananim na palay.

Pati mga pananim na gabi, kamoteng kahoy, herbs, ornaments, talong at lettuce sa Tagaytay City, Cavite wala ring ligtas at nanuyo sa pinsalang dala ng vog ng Bulkang Taal.

Ang mga lettuce sa karatig-bayan ng Silang sa Cavite, nanuyo rin.

Maging ang mga pananim na palay, talong at ornamentals natuyuan din ng mga dahon.

Ayon sa Regional Crop Protection Center ng Department of Agriculture Calabarzon, dahil ang pagputok ng bulkan ay isang natural na pangyayari, walang paraan upang makontrol ang pagkakaroon ng vog. Kung ang inyong tanim ay naapektuhan ng sulfuric acid toxicity sanhi ng vog, pinapayuhan na gawin ang ilang mga hakbang gaya ng

pag-spray ng malinis na tubig sa mga dahon ng halaman pagkatapos umulan upang mahugasan ang dahon at maalis ang acid na dulot ng pag-ulan

Pwede rin aniyang maglagay ng fertilizer o abono upang mabigyan ng nutrisyon ang halaman at makarecover ito.

Puwede ring mag-apply ng kaibigang amag na Trichoderma upang mabigyan ang halaman ng karagdagang tibay laban sa mga mikrobyong dulot ng pagkakaroon ng vog.

Maaari ring bubungan ng malinaw na plastic ang taniman o kaya ay magtanim sa loob ng screenhouse.

Kapag nakitaan ng sintomas ang inyong mga tanim ay mangyaring  magreport lamang sa pambayan o panlalawigang agrikultura at sa DA RCPC Calabarzon.

Matatandaang nito lamang Linggo, Agosto 7, ay nagbuga ng 17,141 tonelada ng sulfur dioxide na may taas na 1500 metro ang Bulkang Taal, na ayon sa Phivolcs ay pinakamataas simula nang ibaba sa Alert Level 1 ang Bulkan.

FARMER’S MARKET DAY INILUNSAD SA BATANGAS CITY

Lyka Manalo

“Hindi lang kami tinuruan, ang kanilang pagtulong ay hanggang sa dulo”

Ito ang ibinahagi ni Victor Malibiran ng Barangay Tabangao Dao, Batangas City.

Si Malibiran ay isa sa mga magsasakang lumahok sa programa ng Office of the City Veterinary and Agricultural Services (OCVAS) kapartner ang SM Foundation.

Ang programang Kabalikat sa Kabuhayan (KSK) ay naglalayong maturuan ang mga magsasaka ng mga makabagong paraan ng pagtatanim hanggang sa maani at maibenta ito sa merkado.

Kasama sa programa ang paglalagak ng espasyo sa mga SM malls para sa mga magsasaka na maibenta ang kanilang mga produkto sa SM Farmer’s Day.

Sumasailalim ang mga farmers sa 12 linggo ng pagsasanay sa comprehensive course sa produksyon ng organic high-value crop farming.

Kabilang sa kanilang mga produkto  ang mga sariwang gulay at prutas tulad ng indian mango, atis, talong, mais, pipino at iba pa.

Ayon kay Dr. Loyola Bagui, hepe ng OCVAS, isa din itong programa ng lungsod upang mahikayat din ang mga kabataan na magtanim at magka interes sa farming.

Isinagawa ang pagbubukas ng Farmer’s Day  noong Linggo, Hulyo 24 sa SM Batangas City. Binibigyan ng pagkakataon ang mga magsasaka na magtinda ng kanilang produkto tuwing araw ng linggo hanggang Disyembre.