2 TINAMAAN NG KIDLAT , 1 PATAY, 1 SUGATAN SA POLILLO ISLAND

Ylou Dagos

Nasawi ang isang senior high school student na taga Burdeos, Quezon matapos na ito at ang kanyang kasama ay tamaan ng matalim na kidlat habang sakay ng bangka patungo sa bayan ng Real, Quezon noong Martes ng gabi.

Magdadala sana ang dalawa sa kanilang mga huling pugita sa Real sakay ng bangkang de motor nang abutan ang mga ito ng ng masungit na panahon at matatalim na pagkidlat sa karagatan malapit sa bahagi ng Baluti island sa nasabing bayan dakong alas 10:00 ng gabi .

Kinilala ang nasawi na si Justine Establecida, 17 anyos, samantalang sugatan naman si Edner Tabura, parehong taga Barangay Palasan, isang islang barangay sa bayan ng Burdeos na lubos ding napinsala ng bagyong Karding.

Narescue pa ang dalawa ng mga rescuer at mga barangay official ng Real at naisugod sa ospital subalit binawian din ng buhay si Establecida.

Ginagamot pa naman si Tabura.

Batay sa impormasyon, ang pamilya ng dalawa ay kapwa mga biktima rin ng bagyong Karding at kapwa nawasak ang mga bahay.

18-ANYOS NA BABAE, PATAY SA PANANAKSAK NG KA LIVE –IN SA LAGUNA

📷 Biñan PNP

Ylou Dagos

Patay ang isang 18-anyos na babae matapos na ito at ang kanyang pinsan ay pagsasaksakin ng kanyang live-in partner sa Brgy. Langkiwa Biñan City, Laguna nitong Miyerkules ng madaling araw.

Ayon sa pulisya, matinding selos ang dahilan ng insidente.

Kinilala ang biktima na si Rochelle Ann Flores, isang estudyante.

Nagtamo ito ng tatlong panay fatal na tama ng saksak sa ibat ibang bahagi ng katawan at idineklarang dead on arrival sa ospital.

Sugatan din ang 14-anyos na pinsan nito na si Jimsher Soriaga na kasama nitong nakatira sa bahay.

Batay sa report ng Biñan City police, dakong alas 4:00 ng madaling araw nang pwersahang pasukin ng 21-anyos na suspek na si John Dave Bernabe ang bahay na tinutulugan ng mga biktima at unang sinaksak ang ka-live in at saka isinunod ang pinsan.

Mabilis itong tumakas matapos ang pananaksak subalit agad din itong naaresto sa follow up operation ng mga pulis sa Baclaran, Paranaque City.

Ayon kay PLTCOL Virgilio Jopia, hepe ng Biñan City police, nagkakalabuan na ang dalawa at gusto ng humiwalay ng biktima na siyang ikinagalit ng suspek .

Nakakulong na ang suspek sa Biñan City police station lock up cell at sinapahan na rin ng mga kasong murder at frustrated murder.

BABAENG NATANGAY NG FLASHFLOOD SA ILOG SA RIZAL AT BANGKAY NA NATAGPUAN SA QUEZON, IISA

Ylou Dagos

Kinumpirma ng mga kaanak ng babaeng naanod sa ilog sa Tanay, Rizal noong Linggo na ang biktima ay ang natagpuang bangkay noong Martes sa karagatan sa may bahagi ng Barangay Sabang Polillo, Quezon.

Nitong Miyerkules ay personal na nagtungo sa Polillo ang nanay ng biktima na si Maria Luiza, kasama ang mga imbestigador ng Tanay at Antipolo police at kinilala ang bangkay.

Kumbinsido ang nanay na iyon ang anyang anak na si Aimy Panes Laurel lalo na at magkaparehas ang kanilang suot na isang round silver na hikaw.

Si Laurel ay kabilang sa apat na magkakaanak na naanod ng flashflood sa Lanatin River sa Barangay Cayabu, Tanay noong Linggo ng gabi sa kasagsagan ng Bagyong Karding.

Nasawi sa insidente ang kanilang tatay na si Arthur Panes na siyang nagselebra ng birthday sa tabi ng ilog, samantalang nawawala pa ang kanyang mister na si Carlo Laurel.

Nailigtas naman ang 2-taong gulang na anak ng mag-asawa.

Batay sa pag-aanalisa ng mga awtoridad nasa halos 100 kilometro ang kinaanudan ng biktima na dumaan sa paliko-likong mga ilog ng Lanatin at Daraitan river sa Rizal, patungo sa Kaliwa river at Agos River na palabas sa karagatan ng General Nakar, Quezon bago naanod ng dagat patungo sa may isla ng Polillo.

Samantala ayon sa hepe ng pulisya ng Tanay, biniberipika nila ngayon ang isang bangkay ng lalaki na natgpuan sa may ilog sa Daraitan, Rizal kung ito ang nawawalang mister.

BARANGAY KAGAWAD PATAY SA PAMAMARIL SA ROSARIO, BATANGAS

Ylou Dagos

Patay ang isang barangay kagawad matapos na pagbabarilin ng dalawang hindi nakilalang salarin sa Rosario, Batangas nitong Miyerkules ng umaga.

Kinilala ang biktima na si Ismael Rosales, 50 anyos, isang negosyante, tubong Brgy. Del valle, San Antonio, Quezon at residente at barangay kagawad ng Brgy. Salao.

Batay sa report ng Rosario police, dakong alas 7:00 ng umaga, nakikipag-usap ang ang biktima sa kanyang tiyo sa harap ng tindahan ng huli, nang dumating ang mga suspek.

Naglakad ang mga ito palapit sa biktima at saka bigla na lamang pinagbabaril.

Mabilis ding tumakas ang mga ito matapos ang pamamaril at tumakbo patungo sa naghihintay na motorsiklo hindi kalayuan sa tindahan.

Subalit nasira ang kadena ng motorsiklo kaya napilitan itong iwanan ng mga suspek.

Nagtamo naman ang biktima ng mga tama ng bala sa ibat ibang bahagi ng katawan na agad nitong ikinasawi.

Narekober sa crime scene 4 na basyo ng kalibre 45 baril.

Patuloy pa ang imbestigasyon at inaalam pa ng mga awtoridad sa motibo sa krimen at kung sino ang mga suspek.

Tinutunton na rin ng mga awtoridad kung sino ang may ari ng motorsiklo.

BANGKAY NG BABAE, NATAGPUANG LULUTANG-LUTANG SA KARAGATAN MALAPIT SA POLILLO , QUEZON

📷 POLILLO PNP

Ylou Dagos

Isang bangkay ng babae ang natagpuan sa karagatan sakop ng Brgy. Sabang, Polillo, Quezon nitong Martes ng umaga.

Ayon sa Polillo police, ang hindi pa nakikilalang bangkay ay posibleng biktima ng pagkalunod dahil sa pananalasa ng Bagyong Karding.

Natagpuan ng mga miyembro ng Bantay Dagat na nagsusurvey sa lugar ang lulutang-lutang na bangkay hindi kalayuan sa dalampasigan dakong alas 7:30 ng umaga.

Wala ng anumang saplot sa katawan ang labi at tanging ang suot na round silver na hikaw ang maaring pagkakilanlan dito.

Inaalam pa ng pulisya kung ang biktima ay nagmula sa isla ng Polillo at sa mga katabing lugar.

Kung sakaling biktima ito ng bagyong Karding, ito ang ikalawang matatalang casualty sa lalawigan ng Quezon.

Nakalagak ngayon ang bangkay sa isang puneraria sa bayan ng Polillo at hinihihintay na kilalanin ng kanyang mga kaanak.

5 BIG-TIME TRAFFICKERS NABBED IN CAVITE, RIZAL; P12.7-M SHABU SEIZED

Sonny T. Mallari

Anti-narcotics agents nabbed five suspected big-time illegal drug traffickers on Monday, September 26, and seized over P12.7 million worth of shabu (crystal meth) in separate buy-bust operations in Cavite and Rizal provinces.

The Police Regional Office 4A (PRO-4A) in a report Tuesday morning said anti-illegal drugs operatives collared siblings Diadema and Betty Babasa at around 7:12 p.m. after they allegedly sold P3,000 worth of shabu to a poseur buyer in Barangay Gulod Malaya in San Mateo, Rizal.

Seized from the suspects were a weighing scale, one big plastic sachet, and eight small sachets of shabu containing shabu weighing 1.026 kilograms with estimated Dangerous Drugs Board value of P6, 979,520.

The report tagged Diadema as included on the drug watch list as an “HVI” or high-value individual in the local drug scene.

Brigadier General Jose Melencio Nartatez, Jr., PRO-4A chief, ordered an in-depth investigation into the possible involvement of the previously arrested drug personality, Joana Babasa, and her two cohorts, also in San Mateo on September 24.

The police seized P1.6 million worth of meth from the three suspects.

“Malaki ang posibilidad na magkakasama ang mga nahuling drug personalities na ito na siyang nag-ooperate sa San Mateo Rizal,” Nartatez said.

In Dasmariñas City, Cavite, combined operatives from PRO-4A, provincial and local drug enforcement units arrested Dexter Santos, Arlene Navarro, and Ruffa Maie Gervacio in a sting operation in Barangay Salitran 4 at around 8 p.m.

Authorities reportedly found the suspects in possession of nine sachets of meth weighing 850 grams with a DDB value of P5,780,000.

The police said the three suspects were included on the drug watch list as “HVI”.

The police were conducting further investigations to determine the source of the illegal drugs seized from the five suspects.

Nartatez commended the operatives involved in the successful drug busts.

“I am very elated by the accomplishments by operatives of PRO-Calabarzon for a job well done, you made us proud. Your triumph against these high value individuals can save many innocent lives. This accomplishment proves us that if we diligently performed our mandated tasks to enforce the law, we can achieve greater heights in our profession,” Nartatez said.

All suspects are under police custody and face charges of violating the Comprehensive Dangerous Drugs Act of 2002.

1 LALAKI DINUKOT NG MGA ARMADONG SUSPEK NA NAKA-VAN SA BATANGAS

📷 N. Sison

Ylou Dagos

Isa na namang lalaki ang dinukot ng mga hindi nakilalang suspek na sakay ng isang van sa Batangas nitong Lunes ng gabi.

Batay sa report ng Batangas PNP, nangyari ang pagdukot sa biktimang kinilalang si Remdzen Sison , 32 anyos, taga Barangay Bungahan, sa isang kalsada sa Brgy. Poblacion 1, sa bayan ng Cuenca dakong alas 8:45 ng gabi.

Sa imbestigasyon ng Cuenca police, sinasabing nasa apat hanggang limang kalalakihan na pawang nakasuot ng itim na damit at mga nakabonnet ang bumaba sa isang kulay puting Toyota Hi-Ace Van na may plate number CTK 692 at sapilitang kinaladkad ang biktima papasok sa sasakyan.

Mabilis na umalis ang mga ito at tinahak ang B. Laqui Street na patungo sa direksyon ng Barangay Natunuan sa bayan ng San Jose.

Base naman sa video na kuha ng pamangkin ng biktima, madidinig na humihingi pa ito ng tulong habang isinasakay sa van.

📹 N. Sison

Nanawagan ngayon ang mga kaanak ng biktima na ipagbigay alam agad sa pulisya ang anumang impormasyon sa kinaroroonan ng biktima na nakaasuot ng puting sando at itim na short nang dukutin.

Patuloy pa ang imbestigasyon ng pulisya sa nangyaring insidente.

Ayon pa Cuenca police, base sa kanilang record ang biktima ay dati nang naaresto at nakasuhan dahil sa paglabag sa RA 9165 o pag-iingat at pagbebenta ng illegal drugs.

Ito na ang ikalawang insidente ng abduction sa Batangas sa nakalipas na dalawang buwan.

Matatandaan na noong nakaraang Agosto 16, isa rin lalaki na umano ay sangkot naman sa mga kaso ng carnapping ang dinukot din sa isang gasolinahan sa bayan ng Taal.

Kinabukasan, nakita itong patay at may mga tama ng bala sa gilid ng highway sa Eco Tourism road sa bayan ng Sariaya, Quezon.

POLICE CLEARANCE NG CHINESE WORKERS SA CAVITE SINIGURO

Roselle Aquino

Carmona, Cavite—Alinsunod sa kasunduan ng Philippine National Police (PNP) at direktiba ni PNP Chief Gen Rodolfo Azurin Jr., nagsimula ng kumuha ng police clearance ang mga empleyado ng Philippine Offshore Gaming Operators (POGOs) sa Cavite.

Ang Sky Dragon Global Technologies Corp, isang Cavite-based business process outsourcing service provider at lisensyado ng Philippine Amusement and Gaming Corp.  o PAGCOR ay isa sa mga unang tumugon sa panawagan ng PNP.

Ayon kay Ryan Sy, general manager ng Sky Dragon, nakipagkasundo sila sa PNP na iproseso ang police clearance ng kanilang mga empleyado bilang isa sa mga requirements na makapagtrabaho sila sa bansa.

Halos dalawang buwan nang nag-ooperate ang Skydragon na may 400 empleyado kung saan 95% dito ay mga Filipino.

Ang police clearance ay isa sa mga napagkasunduang requirement para sa operasyon ng POGO dahil sa pagtaas ng krimen sa bansa partikular ang kidnapping kung saan sangkot ang ilang empleyado ng POGO.

Nais din siguraduhin ng pulisya na walang mga kaso at hindi wanted sa batas ang mga empleyadong nagmula sa ibang bansa.

Base sa record ng pulsiya, tumaas ang kaso ng kidnapping simula taong 2017 at karamihan sa nagiging suspek ay empleyado ng POGO.

ISLA NG JOMALIG SA QUEZON BINABAYO NA NG BAGYONG KARDING

📷 Jomalig PNP

Ylou Dagos

Kasalukuyang hinahagupit ng bagyong Karding ang islang bayan ng Jomalig sa Quezon.

Ayon kay Mayor Nelmar Sarmiento, dakong alas 3 ngayong hapon nang magsimulang lumakas ang hangin na may kasamang pag-ulan at patuloy pa anya itong lumalakas.

Halos 80 porsyento na ng mga residente ng kanilang 5 barangay ang nasa mga mga evacuation center na.

Ang iba ay kusa ng nagsipaglikas ngayong hapon habang ang mga nauna ay dinala na sa mga evacuation center ng PNP matapos magpatupad sila ng forced evacuation kaninang umaga.

Wala na rin anyang suplay ng kuryente sa buong isla matapos mabagsakan ng mga puno ang mga linya nito.

Marami na rin anyang mga nasirang mga kabahayan.

Kasaukuyang nasa ilalim ng tropical cyclone wind signal number 5 ang bayan ng Jomalig kasama ng lahat ng bayan sa Extreme northern Quezon.

3 WOMEN DRUG PUSHERS BUSTED IN RIZAL; P1.6M ‘METH’ SEIZED

Sonny T. Mallari

Police arrested three female drug suspects and seized over P1.6 million worth of shabu (crystal meth) from them in a buy-bust operation on Saturday, Sept. 24, in San Mateo town in Rizal province.

The Police Regional Office 4A (PRO 4A) said in a report that anti-illegal drugs operatives collared Joana Babasa, Ana Mae Oliva, and Neavie Guzman, after they allegedly sold a pack of meth to a poseur buyer in Barangay Ampid 1 on Saturday afternoon.

Seized from the suspects were six plastic sachets of shabu weighing 240 grams with an estimated Dangerous Drugs Board value of P1,632,000.

The police were conducting further investigations to determine the source of the illegal drugs.

The report tagged Babasa as included on the drug watch list as an “HVI” or high-value individual in the local drug scene.

Brigadier General Jose Melencio Nartatez, Jr., PRO 4A chief, commended all the operatives involved in the operation.

He said the successful anti-illegal drugs operation “will surely create a mark on the minds of these criminals that we are serious in our campaign against dangerous drugs”.

The suspects were detained and faced charges for violating the Comprehensive Dangerous Drugs Act of 2002.