BABAENG NATANGAY NG FLASHFLOOD SA ILOG SA RIZAL AT BANGKAY NA NATAGPUAN SA QUEZON, IISA

Ylou Dagos

Kinumpirma ng mga kaanak ng babaeng naanod sa ilog sa Tanay, Rizal noong Linggo na ang biktima ay ang natagpuang bangkay noong Martes sa karagatan sa may bahagi ng Barangay Sabang Polillo, Quezon.

Nitong Miyerkules ay personal na nagtungo sa Polillo ang nanay ng biktima na si Maria Luiza, kasama ang mga imbestigador ng Tanay at Antipolo police at kinilala ang bangkay.

Kumbinsido ang nanay na iyon ang anyang anak na si Aimy Panes Laurel lalo na at magkaparehas ang kanilang suot na isang round silver na hikaw.

Si Laurel ay kabilang sa apat na magkakaanak na naanod ng flashflood sa Lanatin River sa Barangay Cayabu, Tanay noong Linggo ng gabi sa kasagsagan ng Bagyong Karding.

Nasawi sa insidente ang kanilang tatay na si Arthur Panes na siyang nagselebra ng birthday sa tabi ng ilog, samantalang nawawala pa ang kanyang mister na si Carlo Laurel.

Nailigtas naman ang 2-taong gulang na anak ng mag-asawa.

Batay sa pag-aanalisa ng mga awtoridad nasa halos 100 kilometro ang kinaanudan ng biktima na dumaan sa paliko-likong mga ilog ng Lanatin at Daraitan river sa Rizal, patungo sa Kaliwa river at Agos River na palabas sa karagatan ng General Nakar, Quezon bago naanod ng dagat patungo sa may isla ng Polillo.

Samantala ayon sa hepe ng pulisya ng Tanay, biniberipika nila ngayon ang isang bangkay ng lalaki na natgpuan sa may ilog sa Daraitan, Rizal kung ito ang nawawalang mister.

KARDING DESTROYS P186.5 MILLION WORTH OF AGRI CROPS, FISHERIES IN QUEZON

Sonny T. Mallari

Damage sustained by the agriculture sector in Quezon province due to Super Typhoon Karding (international name: Noru) reached P186.5 million, the provincial agriculture office said in a report Tuesday.

It enumerated that around 1,433 hectares of rice lands were destroyed, and 1,490 hectares were damaged by the typhoon that cut across the province on Sunday, September 25.

It affected 3,181 rice farmers.

The estimated cost of ravaged rice lands, most of which were almost ready for harvest, reached P119.4 million.

Some P30.2 million fruit-bearing trees covering 2,373 hectares were likewise damaged by the typhoon, affecting 3,076 farmers, while about 27,640 hectares of coconut trees worth P25.8 million were lost, affecting 9,213 coconut farmers.

Additionally, 195 hectares of vegetable plantations worth P5.2 million (affecting 841 farmers), 4.7 hectares of corn plots worth P338,000 (affecting three farmers), and commercial fish pens worth P5.4 million (affecting 115 operators) were also damaged by Karding.

According to the Provincial Disaster Risk Reduction and Management Office (PDRRMO), a total of 13,97 families composed of 50,435 individuals were displaced by the severe weather event’s wrath.

At least 8,619 families or 31,701 individuals are from the province’s 1st district, including the five island towns in northern Quezon facing the Pacific Ocean: Polillo, Burdeos, Panukulan, Jomalig, and Patnanungan.

The PDRRMO said 972 houses across the province were destroyed and 3,932 were damaged.

On Tuesday afternoon, Vice Gov. Anacleto III said the provincial council, acting on the letter by Gov. Angelina Tan, has declared a state of calamity in the island towns of Polillo, Burdeos, Panukulan, Patnanungan, Jomalig and the municipality of General Nakar.

The declaration of the state of calamity will hasten the rescue and relief and rehabilitation efforts of the government and the private sector in the said areas which were severely hit by the typhoon.

The move will also be an effective mechanism to control the prices of goods and commodities in the areas.

2 PATAY MATAPOS MAKURYENTE SA MULANAY, QUEZON

Ylou Dagos

Patay ang dalawang magtiyuhin matapos na ang mga ito ay makuryente sa bayan ng Mulanay, Quezon.

Kapwa wala ng buhay nang madiskubre nitong Miyerkules ng hapon ang mga biktimang sina Fabian Ermo Bia, 75-anyos, at Sherwin Mediavilla, parehong residente ng Barangay Sta Rosa.

Batay sa report ng Mulanay police, umaga ng magtungo ang mga biktima sa kanilang bukid para bisitahin ang kanilang mga pananim.

Subalit ayon sa mga kaanak, hindi   nakabalik  ang dalawa ng tanghali na dapat ay oras ng kanilang pagkain.

Nang hanapin nakita ang magkatabing bangkay ng mga ito na nakabulagta malapit sa isang talop na kable ng kuryente.

Lumalabas sa imbestigasyon ng pulisya na isa sa dalawang biktima  ang unang napahawak sa talop na linya at nakuryente  na posibleng tinangka namang tulungan ng ikalawa na naging dahilan ng pareho nilang pagkasawi.

CRIMINOLOGY STUDENT, TIMBOG SA PAGTUTULAK NG MARIJUANA SA LUCENA CITY

Allan Llaneta

Arestado ng mga awtoridad sa isang drug buy bust operation ang isang Criminology student sa bahagi ng barangay Uno sa Lucena City nitong Miyerkules ng umaga ( Sept 21 ).

Kinilala ni Lucena City Police Chief Colonel Reynaldo Reyes ang naarestong suspek na si John Dave Ariles , 22 anyos isang graduating Criminology student.

Ayon sa mga pulis pasado alas 8:00 ng umaga nang masakote ang suspek makaraang nagpanggap na bibili ng marijuana ang isa sa mga operatiba.

Nakuha sa pag-iingat ni Ariles ang 12 piraso plastic ng hinihinalang tuyong dahon ng marijuana na nagkakahalaga ng 498 thousand, drug paraphernalia at isang 500 peso bill na ginamit bilang buy bust money.

Nasa kustodiya na ngayon ng Lucena City Police ang suspek habang inihahanda ang kasong isasampa rito.

DRIVER NG TRICYCLE NA SUMALPOK SA TRUCK SA PAGBILAO, PUMANAW NA RIN, BILANG NG NASAWI UMAKYAT NA SA 5 

📷 Pagbilao PNP

Ylou Dagos

Umakyat na sa 5 ang bilang ng namatay sa aksidenteng kinasangkutan ng 2 tricycle at isang truck sa Pagbilao, Quezon noong Miyerkules ng umaga.

Ito ay matapos pumanaw na rin ang driver ng tricycle na sumalpok sa truck na una nang ibinalita na nasa malubhang kalagayan.

Ayon sa hepe ng Pagbilao police na si PMAJ Lawrence Panganiban, si Marvin Lopez ay binawian ng buhay habang nakaratay sa ospital sa Lucena City Miyerkules ng hatinggabi.

Una ng idineklarang dead on arrival ang apat na sakay ng tricycle na sina Teodoro Balitaan at misis nito na si Justina  Balitaan, kasama rin si Maryrose  Ravano, 30-anyos; at ang 5 taong gulang na bata na kapatid ng pumanaw na driver.

Nakalabas na naman sa ospital ang ina ng nasawing driver na si Marilyn Aro Lopez na isa rin sa mga nasugatan.

Samantala hiniling ng pamilya ng mga biktima na masampahan ng kaso ang driver ng nakasalpukang truck na si Rafael Jovinal Jr. bagama’t noong una ay  hinihiling lamang ng mga kaanak na sana ay tumulong ang driver sa mga kagastusan ng mga biktima.

Nangako naman ang driver na tutulong ang kumpanya ng kanyang minamanehon truck sa pangangailangan ng mga biktima.

Nasa kustodiya pa rin ng Pagbilao PNP ang driver ng truck.

PULIS SA QUEZON, INIREKLAMO NG PAMBUBUGBOG NG KANYANG DATING LIVE-IN PARTNER

Ylou Dagos

Nahaharap sa kasong physical abuse ang isang pulis matapos na ireklamo ng kanyang  dating  live-in partner na kanya umanong binugbog sa Lopez, Quezon noong Linggo ng madaling araw.

Martes ng hapon nang dumulog sa pulisya ang biktimang si alyas Ana  at ipinagharap ng sakdal ang kanyang dating kalive-in na miyembro ng Lopez MPS na may ranggong PCPL.

Ayon dito, dakong alas 2:30 ng madaling araw nang dumating ang pulis sa kanyang  bahay at nagkaroon ang mga ito ng mainitang pagtatalo na nauwi sa pambubugbog ng supek.

Tinakot pa ito ng pulis na nagsabing: “Bago ka pa makapagsumbong, napatay na kita!”

Ayon pa sa pahayag ng biktima, palagi itong ginagawa ng suspek kapag ito ay nagtutungo sa kaniyang bahay. Hindi naman niya alam anya kung ano ang ikinagagalit nito sa kanya.

Inihahanda na ang kasong isasampa laban sa suspek.

KARAMBOLA NG TRUCK AT 2 TRICYCLE SA QUEZON, 4 PATAY, 5 SUGATAN

Ylou Dagos

Apat na katao ang nasawi at lima pa ang nasugatan matapos makasalpukan ng isang truck ang kasalubong nitong isang tricycle sa Maharlika highway sa Barangay Ikirin, Pagbilao, Quezon nitong umaga ng Miyerkules.

Dahil sa lakas ng pagkabangga, nadamay din ang isa pang tricycle na kasunod ng nakasalpukan ng truck.

Batay sa imbestigasyon ng Pagbilao police, dakong alas 9:00 ng umaga, nasabitan ng elf truck na minamaneho ng 42-anyos na si Junior Rafael Jovinal ang tricycle na minamaneho ng 24-anyos na si Marvin Aro Lopez na may apat na pasahero kabilang ang isang bata.

Base sa kuha ng CCTV sa lugar, galing sa kurbadang bahagi ng highway ang tricycle at halos sakop nito ang kabilang lane kaya bumangga ito sa kasalubong na northbound elf truck.

Sa lakas ng pagkasalpok, tumilapon ang tricycle at naitulak patungo sa kasunod na isa ding tricycle na minamaneho ni Allan Jay Cordero Rey, 42 anyos na may isang pasahero.
Humiwalay pa ang sidecar nito sa motorsiklo.

Nagtamo ng mga grabeng pinsala ang mga sakay ng unang tricyle matapos na tumilapon mula sa sasakyan.

Isinugod ang mga ito sa ospital sa Lucena City ng mga tauhan ng Pagbilao MDRRMO subalit idineklarang dead on arrival ang apat sa mga sakay na kinilalang sina Teodoro Balitaan, Justina Balitaan, 65 anyos, Maryrose Ravano, 30 anyos, at ang 5 taong gulang na si Princes Lara Lopez, mga residente ng Barangay Binahaan, Pagbilao.

Malubha ring nasugatan ang driver na si Lopez at isa pa sa mga pasahero na si Marilyn Lopez, 48 anyos.

Samatala sugatan din ang driver ng pangalawang tricycle na si Rey, 42 at ang pasahero nito na si Nilda Peñarubia, 56 anyos, kapwa taga Barangay Pinagbayanan, Pagbilao.

Nasugatan din sa kanyang mga paa ang nagmamaneho ng truck na si Jovinal na taga Lucena City.

Isinugod din sa mga ospital sa Lucena City ang mga nasugatan sa aksidente.

IBAT-IBANG MGA IMPROVISED BAG, BUMIDA SA NO BAG DAY SA ISANG ESKWELAHAN SA QUEZON

Ylou Dagos

Naging kuwela ang event na isinagawa ng isang secondary school sa Sariaya, Quezon, ang No Bag Day o hindi pagdadala ng mga tradisyunal na bag sa kanilang pagpasok.

 Nakita ang ‘wittiness’ at ‘creativeness’ ng mga mag-aaral mula sa Saint Joseph Academy of Sariaya, Quezon  (SJASQ)  kungsaan nagdulot ito ng kasiyahan sa mga sumaksi sa programa at maging sa mga netizen na nakita ang event sa social media page ng nasabing eskwelahan.

Sa nasabing aktibidad, kailangang magdala ng mga mag-aaral ng ‘unusual bags’ o kakaibang bag na maaaring paglagyan ng kanilang mga gamit sa eskwelahan.

“As a part of the season of creation celebration, Josephinians brought unusual bags to carry their books, portfolios, and food,” ayon sa Facebook caption ng SSG – Saint Joseph Academy.

Kaya naman kaniya-kaniyang pakulo ang mga estudyante.

Ang ilan ay nagdala ng bayong, ice box, oven, maleta, timba, unan, kaldero, mga lumang kahon  at ang pinakamatindi sa lahat, case ng beer at kulungan ng manok.

Tinawag din nila ang event na the season of creation celebration.

“This season of creation is a season to remember!” ayon sa SJASQ.

SA BOOSTER PINASLAKAS INILUNSAD NA SA QUEZON PROVINCE

📷 Allan Llaneta

Allan Llaneta

Inilunsad na sa lalawigan  ng Quezon ang programa ng Department Of Health na “SA BOOSTER PINASLAKAS”.

Layon ng programa na  mabigyan ng booster shots ang mga mamamayan sa Quezon  partikular na ang mga

senior citizen at mga may comorbidity.

Ayon kay Quezon Governor Dra. Helen Tan sisikapin nilang mas mapataas pa ang bilang ng mabibigyan ng booster shot sa Quezon dahil batay sa tala ng mga nabakunahan sa Calabarzon Region, ang Quezon ang may pinakamababang bilang ng mga nabakunahan.

Sinabi naman ni Quezon Integrated Provincial Health Officer Head Dra. Christine Villasenior na tuloy ang mga ginagawang nilang pagbabakuna sa iba’t ibang lugar sa Quezon partikular sa lungsod ng Lucena.

Sa kasalukuyan umano  ay hindi pa umaabot sa 90% na target ng probinsya ang nabigyan ng booster shot.

Sa huli nanawagan si Dra Villasenior sa mga mamamayan ng lalawigan na magpa booster shot na para na rin sa kaligtasan ng lahat sa Covid 19 virus.

MGA MAG-AARAL SA ISANG ESKWELAHAN SA QUEZON, SA SABUNGAN NAGKAKLASE

📷 Lorena Rubio Regalia

Ylou Dagos

Isang sabungan sa Mulanay, Quezon ang nagsisilbi ngayong eskwelahan para sa nasa mahigit na 200  mag-aaral sa isang barangay sa nasabing bayan.

Nasa  232 na mag-aaral ng dating San Isidro Elementary School sa Barangay San Isidro, ang nagkaklase sa sabungan buhat  nang  mag-umpisa ang face to face classes nitong buwan ng Agosto.

Ito ay matapos wasakin ng magkasunod na bagyong Rolly at bagyong Ulysses na tumama sa Quezon noong 2020  ang mga gusali at classroom ng dating eskwelahan.

Naapektuhan din ang nasabing paaralan ng mga nagdaang iba pang kalamidad tulad ng lindol at mga landslide dulot ng mga pag-ulan.

Matapos bisitahin ng LGU at mga tauhan  Mines and Geosciences Bureau ang pinsala sa mga imprastraktura at sa lugar na kinatatayuan, tuluyan nang ipinasara noong November 2020  ang school at idineklarang condemned ang lugar.

Wala nang sinumang pinayagang makapasok dahil sa posibleng panganib ng tuluyang pagguho nito.

Ayon kay Agnes Par, isa sa mga guro sa paaralan, pasalamat na lamang sila at nasa kasagsagan ng pandemic nang ipasara ang paaralan at wala silang mga estudyante noon.

Subalit naging problema nila ang pagbubukas ng face to face classes kaya naisipan nilang humingi ng tulong sa kanilang barangay chairman na magamit ang barangay hall upang maging  pansamantalang paaralan.

Subalit ang ipinagamit ng kapitan ay ang kaniyang pag-aaring sabungan, ang Decena sports arena,  na nasa kanila ding barangay.

Pumayag naman ang local DEPED na doon pumasok ang mga bata dahil ang pangalan  nito ay sports arena at hindi sabungan.

Hinati-hati ng mga guro ang bawat bahagi ng sabungan sa ibat-ibang grado ng mag-aaral at ang pinakagitna na dating siyang pinagsasabungan ng mga manok ang siyang naging faculty room ng mga guro.

Mahirap man sa kalagayan ng mga estudyante ang doon pumasok dahil ang iba ay sa mga upuan ng sabungan nagsusulat ay pasalamat na rin ang mga guro at mga magulang  at may napasukan ang kanilang mga bata.

Pero nanawagan pa rin sila ng tulong sa pamahalaang lokal at nasyunal at maging sa DEPED  na muling maipatayo ang dating eskwelahan na ayon sa ilang mga residente at mga magulang na doon din nagsipag-aral   ay naging bahagi na rin ng kanilang mga kasaysayan.