DALAGA PATAY MATAPOS BARILIN NG RIDING IN TANDEM HABANG SAKAY NG TRICYCLE SA BATANGAS

📷 Tanauan City of Colors

Ylou Dagos

Patay ang isang dalaga matapos na barilin sa ulo ng riding in tandem suspect sa national highway sa Bgy. Santor, Tanauan City, Batangas Huwebes ng umaga.

Batay sa  imbestigasyon ng Tanauan City police, naka backride sa motor ng tricycle ang biktimang si Kee Sha Dela Rosa, 30 anyos, residente  ng Brgy. Janopol nang biglang sumulpot sa kanilang tagiliran ang motorsiklong sinasakyan ng mga  suspek.

Sinabayan ng mga ito ang tricycle at saka binaril ng isang beses sa ulo ang dalaga.

Agad tumakas ang mga suspek matapos maisagawa ang krimen.

Hindi na naisugod sa ospital ang biktima na kaagad binawian ng buhay sa mismong kanyang kinauupuan. 

Anggulong may kinalaman sa love triangle ang isang tinitingnang motibo sa krimen dahil, ayon sa mga imbestigador, may karelasyon umano ang biktima na isang lalaking mayroon ng pamilya.

Patuloy pa din ang imbestigasyon ng pulisya at inaalam ang iba pang posibleng  motibo sa krimen.

COCKPIT OPERATOR IN BATANGAS FOILS AMBUSH, ATTACKER WOUNDED

Sonny T. Mallari

LUCENA CITY—A cockpit arena operator escaped an ambush on Wednesday and shot his attacker in Tanauan City in Batangas province.

The Batangas police reported on Thursday, August 11, that Mark Colin Reño, 30, was aboard his Toyota Fortuner in Barangay Darasa around 8:30 p.m. when a motorcycle-riding gunman armed with a caliber .45 pistol shot him but missed his target.

Reño returned fire with his caliber .40 pistol and hit his attacker in the stomach. The gunman fled on foot, leaving behind his firearm.

The police, in a follow-up operation, arrested the gunman identified as Federick Octavio, 23, at CP Reyes Hospital, where he sought treatment for his gunshot wound.

The report said Reño’s firearm has a valid license and authorized to carry his firearm outside of residence for protection.

The suspect was transferred to and confined at Batangas Regional Hospital, where policemen guarded him.

Due to the medical condition of the suspect, the police have yet to interrogate him to establish his motive behind the attempted killing.

GALING SA HEARING, NIRATRAT

Ylou Dagos

Patay ang isang lalaking kagagaling lang sa court hearing matapos pagbabarilin ng mga hindi nakilalang suspek sa Tanauan City Huwebes ng hapon.

Kinilala ang biktima na si Christian Georfo, 47 anyos, tubong Pardo, Cebu City at residente ng Brgy, Banjo East, Tanauan City.

Batay sa report ng Tanauan City police, bandang alas 3:30 ng hapon, kagagaling pa ng biktima sa RTC ng Tanauan at umattend ng hearing kaugnay sa kanyang kasong Frustrated Homicide.

Naglalakad pauwi ang biktima nang hintuan ito ng isang hindi natukoy na sasakyan at paulanan ng bala.

Tinamaan ang biktima sa iba’t-ibang bahagi ng katawan at nahulog pa sa open canal kung saan ito binawian ng buhay.

Wala pang matukoy na motibo ang pulisya sa krimen at hindi rin matiyak kung may kaugnayan ang pagpatay sa kaso ng biktima.

Patuloy pa ang imbestigasyon at inaalam ang pagkakakilanlan sa may ari ng sasakyan at sa mga suspek.

MAHIGIT 200 MANGINGISDA SA TANAUAN NABIYAYAAN NG TULONG

📷 Tanauan City Information Office

Maria Katrina Garcia

Naganap ang orientation at pamimigay ng mga food packs sa tinatayang 221 na mangingisda ng Tawilis sa Tanauan, Batangas noong ika-7 ng Hunyo, sa pangunguna ng tanggapan ng City Agriculture katuwang ang Gender and Development (GAD).

Mga mangingisdang naapektuhan ng dalawang buwan na closed-seasoned period noong Marso at Abril 2022 ang benepisyaryo ng nasabing programa.

Layunin din nito na maibigay ang pangunahing pangangailangan ng mga mangingisda na nawalan ng kanilang pinagkakakitaan. Dagdag pa dito, bibigyan din sila ng pansamantalang hanapbuhay kung saan sila ay maglilinis ng coastal area sa kani-kanilang barangay sa loob ng pitong araw.

62-ANYOS PATAY MATAPOS MALUNOD SA TAAL LAKE

Marlon Luistro

Lungsod ng Tanauan, Batangas – Bangkay na nang matagpuan noong Biyernessa sa may Lawa ng Taal ang 62-anyos na construction worker na pinaniniwalaang nalunod habang lumalangoy sa Barangay Gonzales.

Kinilala ang nasawing biktimang si Francisco Dapo, taga-Barangay Talaga.

Sa inisyal na imbestigasyon, alas-10 ng gabi noong Huwebes nang maligo sa lawa para magswimming ang biktima na noo’y lango sa alak. Hindi na siya umuwi pa ng gabing iyon.

Hanggang sa kinabukasan bandang alas-11:40 ng umaga ay natagpuan na lamang ng concerned citizen ang walang malay na biktimang nakalutang sa may pampang ng Barangay Gonzales.

Agad na nagtulong-tulong ang mga barangay tanod ng Gonzales at CDRRMO para hilahin ang biktima na napag-alamang patay na ng mga oras na iyon.

PROGRAMA PARA SA MGA “RECOVERING PERSONS WHO USED DRUGS” AARANGKADA SA TANAUAN

Isang memorandum of agreement ang nilagdaan ng Tanauan City LGU at Department of Social Welfare and Development para sa implementasyon ng Yakap Bayan program sa lungsod. (Photo by Jun Mojares)
Isang memorandum of agreement ang nilagdaan ng Tanauan City LGU at Department of Social Welfare and Development para sa implementasyon ng Yakap Bayan program sa lungsod. (Photo by Jun Mojares)

Pormal ng nalagdaan ang Memorandum of Agreement (MOA) sa pagitan ng Pamahalaang Lungsod ng Tanauan at Department of Social Welfare and Development (DSWD) Regional Field Office IV-A hinggil sa implementasyon ng Yakap Bayan Program noong, Pebrero 15, 2022.

Ang Yakap Bayan Program ay naglalayong tulungan ang Recovering Persons Who Used Drugs (RPWUDs) sa kanilang paghakbang tungo sa pagbabago-mula sa pagsuko, sa pagpapagamot o rehabilitasyon, hanggang sa “aftercare” at sa “social reintegration” sa kanilang mga pamilya at komunidad. Ito ay sa pamamagitan ng paglalaan ng ng Pamahalaang Lokal, partikular ang City Social Welfare and Development (CSWD) ng pondo para sa pagbibigay ng “spiritual guidance”, “psychosocial support”, skills training at livelihood programs.

Sa kanyang pahayag, binigyang papuri ni DSWD IV-A Director Marcelo Nicomedes Castillo ang mga magagandang programa ng lokal na pamahalaan para sa mga RPWUDs, na piniling ihinto ang masamang gawain at maghangad ng pagbabago para sa kanilang buhay at pamilya.

Binigyang diin naman ni Mayor Mary Angeline “Sweet” Halili ang pagtulong ng walang hinihintay na kapalit. Pinasalamatan at binigyang komendasyon ni Mayor Sweet ang iba’t ibang ahensya na naging bahagi ng programa, aniya “hindi madali ang magbigay ng pagkakataon sa iba ngunit kung likas sa puso ang pagtulong maipararatig ng maayos sa mga kapatid, kaibigan, mamayan na nawawalan ng pag-asa sa buhay.”

Saksi sa naturang palantuntunan sina Mr. Rizaldrin Epimaco B. Magpantay OIC- City Administrator, Kon. Benedicto C. Corona Chairperson-Committee of Peace and Order, Fire and Public Safety, Ariel Azurin Acting Chief of Police LTCOL, Maj. Rowena Robles Bureau of Fire and Protection (BFP), Jail Chief Inspector Marlon Barron ng BJMP, at mga department heads. (CIO Tanauan)