9 NAWAWALA SA LIPA, BATANGAS MULA NOONG 2021

Posted on by frontpageonlinenews
đź“· Lipa PNP

Ylou Dagos

Siyam na katao sa Batangas ang nawawala pa mula noong 2021 batay sa inilabas na tala ng Lipa City police.

Ang mga nawawala na nakaalarma sa ibat-ibang police station ng lalawigan ay nagbuhat sa Lipa City, Batangas City, Tanauan City at bayan ng Sta Teresita na pawang nawala sa Lipa City at hanggang ngayon ay wala pang impormasyon hinggil sa kinaroroonan ng mga ito.

Pinakauna sa talaan ay ang magkasabay na nawala na sina  Bryan Arthur Cuenca , 41-anyos, taga Barangay 10, Lipa City na nadiskubreng nawawala mula pa noong 2:30 ng hapon ng Mayo 30, 2021 kasama si  Limuel Pantua, taga Barangay Bolbok, Lipa City.

Magkasunod namang nawala sina Jerome Mark Balaye , 26 , water refilling driver, single at  residente ng  Brgy. Pacifico, Sta. Teresita, Batangas na nawala noong June 15, 2021 ng umaga; at ang Barangay  kagawad na si Joel Guevarra , ng Purok 5, Brgy. Antipolo Del Sur, Lipa City na nawala naman ng  kasunod na araw noong June 16 ng umaga.

Buwan naman ng July ng magkakasunod na nawala sina Roderick Villaluna ,isang poultry boy mula sa Mindoro at residente ng EDC Poultry Farm sa Brgy. Rizal, Lipa City na nawala noong July 11 ng umaga, samantalang

July 14 naman ng umaga ng mawala rin sa Lipa City ang 27 anyos na construction worker na si Jymer John Paul Andal, taga ng Sta. Teresita Batangas.

Noon namang July 18 ng gabi ng maiulat na nawawala ang tricycle driver na si Hector Caraos  na taga Mataas na Lupa,  Lipa City.

Isa namang 29 anyos na Call Center Agent na  babae na kinilalang si Charito Galang,  ang naiulat na nawawala din noong November 18, 2021 ng hapon.

Pinakahuling naiulat na nawawala noong 2021 ang 24 anyos na Automotive technician na si Jun Jun Purio, residente ng Brgy. Balagtas, Batangas City na nawala na lamang noong umaga ng December 3, 2021.

Hindi naman tinukoy sa report ng Lipa City police kung anong mga huling aktibidad ng mga nasabing missing person bago sila nangawala.

Ganumpaman patuloy  na nanawagan ang Lipa City police na ipagbigay sa pinakamalapit na himpilan ng pulisya ang anumang impormasyon sa mga biktima.

COCKPIT OPERATOR IN BATANGAS FOILS AMBUSH, ATTACKER WOUNDED

Posted on by frontpageonlinenews

Sonny T. Mallari

LUCENA CITY—A cockpit arena operator escaped an ambush on Wednesday and shot his attacker in Tanauan City in Batangas province.

The Batangas police reported on Thursday, August 11, that Mark Colin Reño, 30, was aboard his Toyota Fortuner in Barangay Darasa around 8:30 p.m. when a motorcycle-riding gunman armed with a caliber .45 pistol shot him but missed his target.

Reño returned fire with his caliber .40 pistol and hit his attacker in the stomach. The gunman fled on foot, leaving behind his firearm.

The police, in a follow-up operation, arrested the gunman identified as Federick Octavio, 23, at CP Reyes Hospital, where he sought treatment for his gunshot wound.

The report said Reño’s firearm has a valid license and authorized to carry his firearm outside of residence for protection.

The suspect was transferred to and confined at Batangas Regional Hospital, where policemen guarded him.

Due to the medical condition of the suspect, the police have yet to interrogate him to establish his motive behind the attempted killing.

GALING SA HEARING, NIRATRAT

Posted on by frontpageonlinenews

Ylou Dagos

Patay ang isang lalaking kagagaling lang sa court hearing matapos pagbabarilin ng mga hindi nakilalang suspek sa Tanauan City Huwebes ng hapon.

Kinilala ang biktima na si Christian Georfo, 47 anyos, tubong Pardo, Cebu City at residente ng Brgy, Banjo East, Tanauan City.

Batay sa report ng Tanauan City police, bandang alas 3:30 ng hapon, kagagaling pa ng biktima sa RTC ng Tanauan at umattend ng hearing kaugnay sa kanyang kasong Frustrated Homicide.

Naglalakad pauwi ang biktima nang hintuan ito ng isang hindi natukoy na sasakyan at paulanan ng bala.

Tinamaan ang biktima sa iba’t-ibang bahagi ng katawan at nahulog pa sa open canal kung saan ito binawian ng buhay.

Wala pang matukoy na motibo ang pulisya sa krimen at hindi rin matiyak kung may kaugnayan ang pagpatay sa kaso ng biktima.

Patuloy pa ang imbestigasyon at inaalam ang pagkakakilanlan sa may ari ng sasakyan at sa mga suspek.

KOMEMORASYON NG IKA-119 TAONG ANIBERSARYO NG KAMATAYAN NI APOLINARIO MABINI, IDINAOS 

Posted on by frontpageonlinenews

Jennica D. Escrupulo

Ginunita ang ika-119 Taong Anibersaryo ng Kamatayan ng pambansang bayaning Tanaueño na si Apolinario Mabini kilala bilang “Utak ng Himagsikan” sa kanyang museo sa Barangay Talaga, Tanauan ngayong araw, Mayo 13. 

Sa pamamagitan ng pagtutulungan ng Pambansang Komisyong Pangkasaysayan ng Pilipinas at Pamahalaang Lungsod ng Tanauan mula sa Community Affairs Office, sinimulan ang programa ng pag-aalay ng bulaklak sa dambana ng pambansang bayani.

Kasama sa dumalo sa programa ay ang mga opisyal at kawani ng Tanauan City Council Chief of Staff Casiano Saniano, na kumakatawan kay Mayor Mary Angeline Halili, Vice-Mayor Atty. Junjun Trinidad kasama ang mga miyembro ng Sangguniang Panlungsod, Liga ng mga Barangay sa pangunguna ni ABC Pres. Isidro Fruelda, SK Federation sa pangunguna ni SK Fed. Pres. John Kennedy Macalindong at Sangguniang Barangay ng Talaga sa pangunguna ni Kapitan Rico Talagsad.

Dagdag pa rito, dumalo naman bilang mga panauhin sina Ms. Carmina R. Arevalo, OIC-Office of the Executive Director ng Pambansang Komisyong Pangkasaysayan ng Pilipinas; Provincial Administrator Mr. Wilfredo Racelis na siyang kumatawan kay Gov. Hermilando Mandanas; at Mr. Dennis Collantes na siyang kumatawan naman kay 3rd district Congresswoman Ma. Theresa Collantes.

Makikita rin ang presenya sa programa nina Mr. Rogelio Opulencia, OIC-City Schools Division, DepEd Tanauan; Elen Samonte, Proj. Development Officer V; Ryan Tan, Curator, Museo ni Miguel Malvar, Sto. Tomas, Batangas; Sarah Estubo, Curator, Museo ng Libingan sa ilalim ng Lupa ng Nagcarlan; Rolando Mabini, Museum Guide; Ms. Janna Saba, Mabini Shrine Curator; at mga kaanak ni Apolinario Mabini.

TANAUAN BAYWALK, LAKESHORE AREA, BUKAS NA MULI SA PUBLIKO

Posted on by frontpageonlinenews
Photo from Tanauan CAO

Marlon Luistro

Lungsod ng Tanauan, Batangas – Bukas na muli sa publiko ang Tanauan Baywalk at Lakeshore area simula ika-10 ng Abril.

Yan ay matapos na alisin ng pamahalaang lungsod sa pamumuno ni Mayor Sweet Halili ang temporary closure ng nasabing lugar kasunod ng pagbababa sa Alert Level ng Bulkang Taal mula Level 3 patungong Level 2.

Gayunman ay may mahigpit na tagubilin ang lokal na gobyerno para sa mga magtutungo sa lugar. Kabilang na rito ang pagsunod sa minimum public health standards ng physical distancing at pagsusuot ng face mask na itinatakda sa ilalim ng COVID-19 Alert Level 1.

Kasunod din ng pagkakadetect ng arsenic contamination sa tubig ng Taal Lake ay pinaalalahanan din ang publikong iwasang uminom o kumuha ng tubig sa lawa dahil hindi ito ligtas.

Pinapayuhan din ang mga taong limitahan ang oras ng panliligo o paglubog sa tubig ng lawa dahil ang matagal na exposure ay mapanganib aniya sa kalusugan.

Dapat din aniyang tiyaking magshower o maligo matapos na lumangoy sa Taal Lake.

Habang nasa Alert Level 2 ang Bulkang Taal ay pinaalalahanan din ang taumbayan na manatiling alerto dahil hindi ibig sabihing nasa Alert Level 2 ay tiyak na ligtas na. Hindi aniya pinapayuhan ang paglalakbay at pagbisita sa Napayong Island.

Para naman sa mga floating cottage operators, ang distansya ng paglalakbay ay kinakailangan aniyang maging limitado sa hanggang 200 metro mula sa lakeshore at tiyaking mayroong sapat na bilang ng lifevests para sa kada indibidwal na iaakomoda sa kasagsagan ng trip.

Ayon naman kay Casiano Saniano, chief of staff ni Mayor Halili, sakali namang muling iakyat sa Alert Level 3 ang Bulkang Taal ay muli na namang ipatutupad ang temporary closure ng Tanauan Baywalk at Lakeshore areas.

MOBILE LEARNING 5D HUB, GUGULONG NA SA TANAUAN

Posted on by frontpageonlinenews

Pinasinayaan ng Pamahalaang Lungsod ng Tanauan ang dalawang (2) Mobile Learning 5D Hub na magsisilbing “mobile classroom” ng mga pampublikong paaralan sa lungsod. Sa isang simpleng seremonya na ginanap noong Marso 24, 2022, pormal ding itinurn-over ang pangangasiwa nito sa pamunuan ng Department of Education (DepEd) Tanauan City.

Ang mga naturang makabagong kagamitan ay pinapagana ng “5D Technology” kung saan maaaring maranasan ng tao ang isang sitwasyon na napakalapit sa realidad o katotohanan. Dahil dito, ang Mobile Learning 5D Hub ay inaasahang tutugon sa pangangailangan ng “21st Century Learners” ng Tanauan upang maging “globally competitive” saan man sila naroroon. Naglalaman ito multimedia at interactive modules sa loob ng isang maayos at “conducive learning environment” kung saan maaaring mapag-aralan hindi lamang ang mga asignatura kundi pati rin ang kasaysayan, kultura, heograpiya, at ekonomiya ng lungsod.

Dahil sa mga suliraning hinarap ng lungsod mula sa patuloy na aktibidad ng Bulkang Taal at paglaganap ng Covid-19 pandemic, nakipagsapalaran ang mga guro at mag-aaral sa nakaraang dalawang taon upang masiguro na tuloy-tuloy ang pagkatuto ng mga Tanaueño.

Ang pondo para sa pagbili ng 5D learning Hub ay mula sa Special Education Fund (SEF) na nagkakahalaga ng tig-P44 million. Ayon kay Mayor Mary Angeline “Sweet” Halili “the children, who are our future cannot be interrupted, because education is very important to all of us. Whatever we face in the future, we know that we can have something that we actually drive up and we can educate.”