KAWATAN NG CELLPHONE, NATUNTON SA PAMAMAGITAN NG GPS TRACKER SA QUEZON

Ylou Dagos

Timbog ang dalawang umano ay notorious na kawatan matapos na matunton dahil sa GPS tracking ng kanilang mga ninakaw na cellphone sa Atimonan, Quezon.

Ayon sa report ng Atimonan police, Biyernes alauna ng madaling araw nang mapasok ng mga suspek ang isang bahay sa Brgy. Malinao Ibaba habang mahimbing na natutulog ang pamilyang nakatira doon.

Kasama sa natangay ng mga suspek ang 4 na unit ng celphone na naka charge sa salas ng bahay.

Subalit dahil sa Google tracking na naka-on sa mga nanakaw na cellphone, napag-alaman na nasa Tayabas City na ang mga nawawalang unit.

Kaagad bumuo ng tracker team ang Atimonan at Tayabas City police para maaresto ang dalawa na hindi na makapalag nang puntahan ng mga awtoridad sa eksaktong lugar nitong Linggo ng hapon.

Ayon sa pulisya, kilalang magnanakaw ang mga ito sa Tayabas City kaya dumadayo na sa ibang bayan sakay ng motorsiklo upang makapamasok ng mga bahay.

Nabawi sa mga ito ang mga gamit na natangay kabilang ang mga cellphone.

Nasa kustodiya na ng Atimonan police ang dalawa at sasampahan ng kaukulang kaso.

3 COVID-19 PATIENTS DIE IN QUEZON

Sonny T. Mallari

LUCENA CITY – Three more COVID-19 patients in Quezon died on Monday, August 22, amid a decline in the number of active cases in the province.

The Integrated Provincial Health Office (IPHO) reported on Monday that the towns of Infanta and Atimonan and Tayabas City listed one fatality each.

The province had recorded 1,579 COVID-19 deaths since March 2020, 10 of them logged this month.

The IPHO also recorded that 86 patients had recovered from COVID-19, the highest single-day tally this month. At least 35 new infections were also listed.

From 275 active infections on August 7, it is now down to 186, as of the latest tally.

Eleven of the 41 municipalities in the province no longer have any recorded COVID-19 cases, the IPHO report showed.

The Department of Health placed Lucena, a highly urbanized city in Quezon, under alert level 1, the most lenient in the five-tier alert status, until August 31.

The rest of Quezon’s 40 localities will remain under alert level 2.

APAT NA ESTUDYANTE PATAY NG SUMALPOK ANG SINASAKYANG VAN SA SINUSUNDANG TRUCK SA TAYABAS CITY

📷 Nhiecole Abejo BNFM Lucena

Ylou Dagos

Apat na estudyante ang patay matapos na ang kanilang sinasakyang van ay sumalpok sa likuran ng truck sa Maharlika highway sa Tayabas City dakong  alas 3:00 ng  madaling araw nitong Miyerkules.

Kinilala ang Tayabas City police ang mga nasawi na sina Juan Carlos Alvarez, 22. Enrique Garcia, 20, Marga Elayne Ramirez, 18 at  Michaela Jeuel Solomon, 23, pawang mga estudyante at lahat ay residente ng Candelaria, Quezon.

Lumalabas sa imbestigasyon ng Tayabas City police, na mabilis ang takbo ng Toyota Innova van na sinasakyan ng mga biktima ng sumalpok ito sa sinusundang forward truck sa paakyat na bahagi ng highway sa Barangay Calumpang.

Galing Lucena ang van at patungo na sa Candelaria ng mangyari ang insidente.

Ayon sa driver ng truck, dahil sa bigat ng kanilang karga, hindi niya namalayan ang pagsalpok ng van at inakalang niyang pumutok lamang ang isang gulong nila sa hulihan matapos makarinig ng ingay mula doon.

Subalit ng itinatabi na nito ang truck, doon niya nakita sa side mirror na kaladkad na nila ang van.

Nagtamo ng mga grabeng pinsala ang mga biktima na agad nilang ikinasawi.

Kinustodiya naman ng Tayabas PNP ang driver ng truck.

FETUS ITINAPON SA ILOG SA QUEZON

Ylou Dagos

Isang wala ng buhay na kasisilang pa lamang na sanggol ang natagpuang nakalutang sa ilog sa Tayabas City noong Martes ng umaga.

Ayon sa Tayabas City police, nadiskubre ng isang grupo ng mga kabataang mamimingwit ng isda   ang fetus na lulutang-lutang sa Alitao River, sakop ng Sitio Ibaba, Brgy. Wakas, nasabing lungsod dakong alas 10:30 ng umaga.

Kaagad itong kinuha ng mga awtoridad at sinuri sa City Health Office ng lungsod.

Ayon sa mga doctor, isang ganap na bata na ang fetus na tinatayang nasa 7 o 8 buwan na ang edad.

Ayon sa mga awtoridad, posible umanong isinilang ang sanggol pero wala ng buhay nang ilabas.

Pero sa halip na bigyan ng maayos na libing ay itinapon na lamang ito ng hindi nakilalang suspek sa ilog.

Patuloy ang imbestigasyon ng mga pulis at inaalam kung sino ang nagtapon sa fetus.

WOMEN AND GIRLS IN SPORTS TOURNAMENT ISINAGAWA SA TAYABAS

📷 CICRO Tayabas

Vanessa Gonzales

Mahigit dalawang daan at limampung (250) kababaihan ang lumahok sa Women and Girls in Sports Tournament sa Silungang Bayan ng Tayabas na pinangunahan ni Philippine Sports Commision (PSC) Commissioner Celia Kiram noong ika-2 ng Hunyo 2022.

Hinati sa anim (6) na koponan ang mga kalahok at kabilang sa mga larong inihanda ay tradisyunal na patintero, tumbang preso, batuhang bola, tayakad sa kahoy at sack race. Kabilang naman sa ball games ang kickball, basketball at volleyball.

Matapos ang apat na araw na paligsahan, itinanghal na kampyon ang Team 4.

Ang Women and Girls in Sports Tournament ay pinamahalaan ni Sarah Zagala at ng bumubuo ng Tayabas City Sports Development Section katuwang ni Commissioner Celia Kiram, National Coordination Judith Laygo at Secretary Katherine Chan.

Dumalo rin sa pagbubukas ng paligsahan si Sangguniang Kabataan Federation (SKF) President Art Tristian Pontioso at nahalal na Vice-Mayor Lovely Reynoso-Pontioso, na siyang kumatawan at nagbahagi ng mensahe ni Mayor Ernida Agpi Reynoso.

FIRE TRUCK NA RERESPONDE SA SUNOG, BUMALIKTAD, 2 BUMBERO SUGATAN

📷 Tayabas CDRRMO

Ylou Dagos

Sugatan ang dalawang bumbero nang ang kanilang sinasakayang fire truck na reresponde sa sunog ay bumaliktad sa provincial road sa Brgy. Ibabang Bukal, Tayabas City Biyernes ng hapon.

Isa sa mga nasugatan  ay ang driver ng firetruck na si FO3 Melvin Buncayo Abordo, 46 miyembro ng Bureau of Fire Protection of Tayabas City.

Sugatan din ang isa pang hindi tinukoy na kasama nito.

Batay sa report ng Tayabas police, patungong direksyon ng bayan ng Sariaya ang mga bumbero at reresponde sa nagaganap na sunog sa Brgy. Calumpang,  Tayabas City nang dahil sa bilis ng takbo ay mawalan ng kontrol ang nagmamaneho.

Sinikap ng driver na walang madamay na ibang sasakyan kaya nagpa giwang giwang ito hanggang sa tumihaya sa outer lane ng highway.

Kaagad isinugod ng mga nagrespondeng mga  tauhan ng CDRRMO ng  Tayabas City ang dalawang biktima na ngayon ay nasa ligtas ng kalagayan sa Lucena Doctors Hospital.

PROGRAMANG BASURA MO, PAPALITAN KO, PATULOY NA ISINASAGAWA SA TAYABAS CITY

📷 CICRO Tayabas

Jemina Marie Daplin

Halos isang tonelada o 990 kilograms ng plastic wastes mula sa lungsod ng Tayabas ang dinala ng mga tauhan ng GSO-Ecological Solid Waste Management Unit sa planta ng Solid Cement Corporation sa Antipolo City noong Mayo 13.

Ika-apat na beses na ng lungsod sa pagdedeliver  ng mga nalikom na plastic na basura mula sa mga garbage collectors sa kanilang lugar.

Ang gawaing ito ay parte ng programang  ‘Basura Mo, Papalitan ko’ at ng kasunduan sa pagitan ng Pamahalaang Lokal sa pamumuno ni Mayor Ernida Agpi Reynoso, GSO Cecil Potestades, at Cemex Corporation.

Layunin ng proyekto na bawasan ang produksyon ng mga basura na itinatapon sa Sanitary Landfill ng Tayabas, City.

Bawat 2 kilo ng basura ay may kapalit na 1 kilong bigas.

KARERA NG KARABAW 2022, ISINAGAWA SA TAYABAS CITY

📷 CICRO Tayabas

Pia Abrigo

Matagumpay na isinagawa ang paligsahan ng mga karabaw noong Mayo 10, 2022 bilang parte ng pagdiriwang ng Mayohan Festival sa bayan ng Tayabas sa Quezon.

Pinangunahan ng Tanggapan ng Panlungsod na Pagsasaka ang gawaing ito at ginanap sa Brgy. Masin.

Nasa 13 na katao ang lumahok sa karera at sa huli ay itinanghal na kampeon si Roque Macasinag Jr. na nakatanggap ng Php 5000 na cash prize, pumangalawa naman si Jaylo Nanea sa pagkapanalo at nakatanggap ng Php 3000 cash prize.

Samantala, nakatanggap pa rin ng consolation prize na Php 1000 ang iba pang lumahok sa karera na sina Sario R. Latag , Rolando Esperaz, Policarpio Reyes, Bernardo L. Caagbay, Noriel M. Aranilla, Ariel Cabriga, Juanito Abrencillo, Martino C Oabel, Joel A. Yanos, Alberto Q. Ramos at Jun O. Dadios.

Sa ngayon ay patuloy pa rin na idinaraos ang Mayohan Festival sa Tayabas City bilang pagpupugay sa mga magsasaka at agrikulturang sektor ng lalawigan.

LGU TIAONG, KAMPEON SA GOVERNOR DES CUP 2022!

📷 Danilo E. Suarez

Pia Abrigo

Pinadapa ng LGU Tiaong Basketball Team ang LGU Tayabas sa final round ng 2022 Governor Danilo E. Suarez Cup Inter-LGU Homegrown Basketball Tournament kahapon, May 6, 2022, sa Quezon Convention Center.

Nagtapos ang laban at nakapagtala ng 56 puntos ang koponang kalaban na Team Tayabas samantala 78 na puntos naman ang Tiaong na nagdala sa kanilang pagkasungkit sa championship title ng Governor DES Cup 2022.

Kinilala naman na Most Valuable Player at 1st Mythical 5 player si Jordan Faller at Best Coach si Chito Oabel mula sa Team Tayabas.

Nagpasalamat si Gov. Danilo Suarez at Coach Jonas Guiao ng tanggapan ng Provincial Sports office sa matagumpay na pakikilahok ng bawat koponan sa naganap na liga.

DRIVER, PASAHERONG  TEACHER,  PATAY MATAPOS ARARUHIN NG DUMP TRUCK SA TAYABAS CITY 

Dalawa ang nasawi matapos araruhin ng dump truck ang isang tricycle sa Tayabas Quezon (Quezon BFP)

Ylou Dagos

Patay ang driver ng tricycle at isang pasahero nito na isang teacher nang salpukin ng isang dump truck ang kanilang tricycle sa Tayabas City Lunes ng umaga.

Dead on the spot ang  driver na si Abner Pabellano, residente ng Silangang Palale, matapos na ito ay magulungan ng huling gulong ng truck.

Photo: Quezon BFP

Nasawi naman  bago pa madala sa hospital ang teacher na si Hannah Shane De Ocampo na isa sa mga pasahero ng tricycle.

Batay sa report ng Tayabas City police, dakong alas 7:00 ng umaga, tinatahak ng tricycle ang Tayabas-Mauban road ng pagsapit nito sa Barangay Kanlurang Palale ay salpukin ito mula sa likuran ng kasunod na dump truck na minamaneho ni Christopher Padua Bermudo, 43 anyuos, taga Barangay Masin Tayabas City.

Photo: Quezon BFP

Nakaligtas at hindi naman nasaktan ang tatlo pang pasahero ng tricycle na sina Jimuel Cabalsa, 28; Wilfred Marco, 47, at Angelo De Luna, 23;  pawang taga Barangay Mainit.

Photo: Quezon BFP

Ayon sa Tayabas police, nawalan ng preno ang truck kaya nabangga nito ang nasa unahang tricycle.

Naaresto naman ng mga pulis ang driver ng truck na nahaharap sa kasong reckless imprudence resulting to multiple homicide and damage to properties.